"Dəli Cek"

Orta əsrlərdə oxlarla mübarizə aparır və ya keçmişə gedib Yüzillik müharibəyə qatılırsınızsa, əlinizə yay və ox almağınız son dərəcə normaldır. Eyni silahlarla İkinci Dünya Müharibəsinə qatılmaqsa tamamilə dəlilikdir. Amma çılğın bir əsgər heç də belə düşünmürdü.

Əlinizdə qılınc. Qarşınızda isə toplar, tanklar, tüfənglər. Xeyli qorxunc olsa da, bunu həqiqətən yaşamış biri var. “Mad Jack” ləqəbli Con Malkolm Torp Fleminq "Cek" Çörçill. "Dəli Cek"ə görə heç bir silah yay və qılıncdan daha etibarlı ola bilməzdi.

Çörçill ilk öncə 1926-cı ildə Krallıq Hərbi Akademiyasını bitirdi. Sonraları bir qazetdə redaktorluq etdi, modellik karyerasına atıldı, yetməzmiş kimi bir də oxçuluq mövzusunda mütəxəssis oldu. Bu bacarıqları ona  1924-cü ildə “Bağdad oğrusu” filmində kiçik rol oynamaq imkanını gətirdi. Bütün bu işlərin arasında Norveçdəki 1939-cu il dünya çempionatına getdi və oxçuluq bacarıqlarını burada da sərgilədi.

Bunlar reallaşarkən Avropa İkinci Dünya Müharibəsinə doğru addım-addım sürüklənirdi. Dəli Cek 10 illik xidmətdən sonra ayrıldığı orduya “Ölkəm mənsiz ağır durumdadır” deyərək geri döndü. 1940-cı illərin ortalarında özü bir piyada bölüyündə ikinci komandir idi.  Müharibələrə hər zaman müdafiə etdiyi, modasının keçdiyini heç cür qəbul etmədiyi 2 ağızlı qılıncı və oxları ilə gedərdi.

“Dəli Cek” Çörçillə görə qılıncı olmadan savaşa girən hər əsgər yanlış qurşanmışdı. Qaldı ki müharibə sahəsində etdikləri, bu silahları sadəcə dekorasiya məqsədli qurşanmadığının sübutu idi. Çörçill 300 min əsgərin əsir qaldığı dəhşətli Dünkerk müharibəsi əsnasında bir alman əsgərini oxuyla vurmuşdu. Daha sonraları Çörçillin üzərində bir alman əsgərinin kaskasının olduğu motosikleti ilə gəzdiyi görülmüşdü.

Aylar irəlilədikcə “Dəli Cek” Çörçillin də şöhrəti artırdı. 2 bölüyə birdən komandirlik edən əsgər Norveçdə alman qarnizonuna təşkil olunan “oxçuluq əməliyyatı”na  könüllü olaraq qatıldı. 1943-cü ildə isə qılıncı ön planda idi. Salernoda komandir olan Çörçill birlikləri ilə müharibə sahəsində xətlər halında savaşmaq məcburiyyətində qalmışdı. Bu cür müharibə üçün lazım olan təlimi almamış olan əsgərlərinin önündə böyük cəsarətlə qılıncdan istifadə edərək irəliləyən “Dəli Cek” birliyini hərəkətə keçirmişdi.

Bu müharibənin ardınca Yuqoslaviyaya göndərilən Çörçill buralarda almanlara hücum edəcəkdi. 3 fərqli nöqtədən planlanan böyük hücum sxeminin özünə düşən ayağında bir təpəyə dırmaşan “Dəli Cek” arxasına baxdığında sadəcə 5 əsgərin dırmanışı bacardığını görəcəkdi. Edəcəyi bir şey qalmamışdı, adamlarıyla birlikdə əsir alındı.

Sorğulama edildikdən sonra “Dəli Cek” Çörçill həbs düşərgəsinə yerləşdirilmişdi. Almanlar soyadından dolayı özünün Uinston Çörçill ilə qohum olduğunu düşünmüşdülər. Rütbəsinin də yüksək olması səbəbi ilə seçilmiş məhbus olaraq qəbul edilirdi. 1945-ci ilə qədər bu şəkildə tutulduqdan sonra olduğu düşərgənin işıqlandırma sistemi pozulunca əlinə keçən bu ilk fürsəti dəyərləndirdi və qaranlığın ortasında qeyblərə qarışaraq xilas oldu.

Yenə də “Dəli Cek” xilas olmaqla maraqlanmırdı. Mübarizəsiz keçən, ölkəsinə xidmət edə bilmədiyi 1 ilinə üzülürdü. Bu səbəblə evə qayıtmadı və müharibənin hələ davam etdiyi Yaponiyaya getmək qərarı aldı. Oraya çatdığında isə Naqasaki və Hiroşima çoxdan bombalanmış, müharibə artıq tamamilə bitmişdi.

“Dəli Cek” Çörçill məsələ ilə bağlı “Lənətəgəlmiş yankilər olmasaydı, daha 10 il savaşa bilərdik!” deyəcəkdi. Müharibənin bitməsinin ardınca paraşütlə maraqlanan, sonra Fələstində I bölüyün başına göndərilən “Dəli Cek” 1959-cu ildə pensiyaya çıxdı və 1996-cı ildə dünyasını dəyişdi.