Aybaşı işgəncəsi

Bunu hər ay yaşayırsınız və çox şanslısınız. Çünki Nepaldakı qadınlar üçün aybaşı dövrü “Çaupadi zamanı” deməkdir.

Aybaşı dövrünə girən qadınlar ailələrindən, qonşu-qohumdan uzaqlaşdırılır və tək başlarına evlərindən uzaqda bir yerdə yaşamaq məcburiyyətində buraxılırlar.

Yalnız ailələri arada yanlarına gəlib heç bir təmas qurmadan yemək buraxıb gedirlər.

Çaupadi əslində bir hindu ənənəsinə söykənir. İnsanın içindəki pislikdən, hüceyrələrindəki şeytandan, fəna fikirlərdən təmizlənməsi üçün hər şeydən uzaqlaşıb inzivaya çəkilməyi əsas alır. Nepalda da qadınların aybaşı dönəmlərində içlərindəki pisliyin salındığına inanılması səbəbiylə “Çaupadi” ortaya çıxmışdı.

Çaupadi'yə girən qadınlar heyvan sığınacaqlarında, mağaralarda ya da bir metr ölçünü keçməyən qorunaqsız daxmalarda yaşayırlar.

Axan suya toxunmaları qəti qadağandır. Bir həsirin üzərində aybaşı dönəmi bitənə qədər yatıb qalxırlar. 

Çaupadi dönəminə girən bir çox qız uşağı, qadın təcavüzə uğrayır. Nepalın vəhşi təbiətində belə qorunmasız bir mağarada həyatda qalmaq asandır? Çaqqalların qapıb apardığı qız uşaqları, ilanlar tərəfindən soxulub ölən qadınlar var.

Yeni doğum etmiş analar körpələrini buraxa bilmədikləri üçün Çaupadi'də iki körpəsini birdən xəstəlikdən itirən ana da var. Betondan düzəlmə tavansız daxmada bir az qızınmaq üçün tonqal qalayıb yanaraq ölən qız uşağı da var. Qısacası, “Çaupadi” tam bir vəhşilikdir.

2005-ci ildə Nepal hökuməti “Çaupadi”ni zərərləri üzündən qadağan etdi. Lakin “Times”ın açıqlamasına görə “Çaupadi”ni hələ də davam etdirən bir çox kənd var.